December 4, 2024: Uttar Pradesh laka Varanasi jaka deh kun bah students kan ekta college laka pitor deh namaz kan offer kuri taki shae. Enaka time deh kun bah manu kan Hanauman Chalisa hala kuri taki shae. Etu kura karne sathjun keh duri shae, police para Wednesday din deh kui shae.
Hoile b Uday Pratap College laka student leader Vivekanand Singh para Hanuman Chalsia tho Tuesday din deh recite kuri shae kui shae, mosque laka bahar deh ‘outsiders’ kan jama kura laka against protest kura karne.
“Students kan tateh namaz offer kuri ase nahoileh college laka pitor deh taka temple aro mosque deh worship kuri ase koile tho mukan lokot deh eku problem nai. Hoile b outsiders kan namaz offer kuri bole laka nam deh college pitor jama kura tho mukan accept nakureh,” tai para kui shae.
Additional Commissioner of Police, Varanasi Cantt area, Vidush Saxena para students kan college pitor deh taka mosque laka osor deh Hanuman Chalisa kuri bo kui nah taki shae kui shae, Tuesday din deh.
“Police kan para taikan keh chup kuri di shae aro wapas patai di shae. Police para satha students keh b duri shae, kun kan keh evening deh release kuri di shae,” tai para kui shae.
Add Comment