By: Entertainment Desk New Delhi | Updated: March 6, 2023 15:25 IST : Alia toh tai laka career suru hoikena, 10 sal hoiase, aro tai toh Bollywood te leading actor hoikena ase. Joa sal 2022 te tai laka movies khan toh bishi tangor hit hoishe, tai star kura film, Sanjay Leela Bhansali’s Gangubai Kathiawadi aro Ayan Mukerji’s Brahmastra Part 1 khan sob toh blockbuster movie thakishe. Alia ke hoile, variety’s Impactful International women of 2023 laka list te nam olai kena Bishi tin hoa nai. Actor pora tai etu khobor toh Instagram story te share kurise, tai laka nam thakia list toh screenshot loikena.
Variety khan pora Alia pora 2022 te success hoa laka share kurishe, kentu Gangubai kathiawadi toh hit thakishe, biche te, SS Rajamouli pora direct kura RRR film te tai character loikena olaishe, aro etu bi hit thakishe, biche te Darlings aro Brahmastra part one. Alia etu sal te hi Maiki bacha Raha bai kena ase. Alia laka next film toh Rocky aur Rani ki Prem kahaani thakibo, aro etu film toh Karan Johar pora direct kura film ase. Alia pora Variety ke koishe, “ moi bishi khushi hoikena ase, kentu etu film pora bollywood film vibe toh tia nemete, aro moi toh finally sarees bi snow te lakabole olaishe.” Rocky aur Rani ke prem Kahaani film laka release toh bishi delay hoikena aro postponed kurikena ase aro eti tai khan pora date tia toh etu sal July te release hobo koikena ase. Etu film te star kura khan toh Ranveer Singh, Dharmendra, Shabana Azmi and Jaya Bachchan khan bi ase.
Add Comment