New Delhi, June 26 : Ajikali, dangor screen te action film khan ke focus kuri asey. Juwa saal, Jawan aro Pathaan nisna film khan silver screen te release hoikina dhamal machaisey. Etu saal, 2o24 para bi Fighter aro Yodha nisna bhal action film anisey. Etya action film khusi pa manu khan tu Karan Johar laga ‘Kill’ aro Atlee laga ‘Baby John’ film nimitey ekdam sabole mon thakikina rukhi asey. ‘Kill’ film tu July 5 te release hobole asey. Aro etya Varun Dhawan thaka film ‘Baby John’ laga makers khan para etu film laga official date release kurisey. Baby John tu etya May 31st nohoikina Christmas te release hobole asey. Baby John te Varun Dhawan ke lamba homoi picheyte ekta shaktishali roop te dikhibole asey. Etu film para tailag afirst look dikha video te tai tu khatarnak aro ekdam sakt dikhisey. Ageyte etu film laga title confirm nohoikina thakisey aro etu film ke VD18 koikina promote kurisiley. Etu film shooting kora homoitey Varun tu tailaga theng te bi jokhom khaisey. Jawan film success huwa picheyte Atlee aro Varun Dhawan para etu nutun film ke loikina bisi discussion kurisey. ‘Baby John’ ke Atlee para present kuri asey aro etu laga director tu A. Kaliswaran asey. Murad Khetani, Priya Atlee aro Jyoti Deshpande para bi etu film ke present kuri asey. Etu film tu Jio Studios, Atlee laga A for Apple Studios aro Cine 1 Studios laga banner under te banaisey. Etu film te Varun Dhawan logotey Keerthy Suresh aro Wamiqa Gabbi ke bi dikhibole asey. Etu film te Bollywood aro South Indian film industry laga combination dikhikina enaka lagi asey ki etu movie tu audience khan nimitey sabole bisi bhal hobo.
Varun Dhawan laga film ‘Baby Joh’ tu etya Christmas te release hobole asey
Add Comment