New Delhi: August 20, 2020. Coronavirus bemari thaka para Bollywood laga manuh besi digital rasta te jabole olaishe. Tangor Bollywood film neshina – Gulabo Sitabo, Shakuntala Devi, etc.. toh bona beche online te olaishe aro dosura film neshina Laxmmi Bomb, Bhuj, etc…toh be jolti te olaboli ase koishe. Notun khobor ekta te Varun Dhawan aro Sara Ali Khan laga film Coolie No.1 toh list te sobse oper te ase. Etu film toh David Dhawan para Directed kurishe aro film toh etu saal theatres te thikaboli kotha besi kuri thaka toh digital te olaishe, aro film toh OTT platform te be jabole ase. Aro khobor para kowah hesab te, film bona manuh khan ke sobse tangor OTT platform para lok kurikena kotha kowah beche Coolie No. 1 film toh Diwali 2020 samay digital territory te jabole koishe. Hoilebi final kotha toh film bona khan para kuboli ase etu nemite eku official fesla toh nahoikena ase koishe. Varun aro Sara para Goa te lockdown kotom nahowa agae te Coolie No.1 film bona kotom hoishe. Coolie No.1 toh 1995 comedy film para aro bona ase aro starring toh Govinda aro Karisma Kapoor thakishe. Aro original director tuh David Dhawan ase. Aro etu film te comedians Paresh Rawal, Rajpal Yadav, and Johnny Lever para be tangor role loishe.
Add Comment