India, 4 June 2025: Filmmaker aru writer Varun Grover recently tai laga short film Kiss laka kotha koishe, juntu cinema te thaka censorship laga issue upor ase. Hindustan Times logot interview te, Varun aru actor-lyricist Swanand Kirkire etu film laga idea, tai khan laga collaboration, aru censorship kile nalage olop simple te discuss kurishe.
Varun koishe ki etu film ekta news report pora inspire hoishe—juntu te ekta movie ke kiss scene 22 second pora kom 11 second kuribole koishe. Tai bhal para bhabishe, etu decision kun luy ase, aru kun manu etu type laga kaam kurishe? Etu idea 2018 te ahishe, aru tai film 2021 COVID lockdown te complete kurishe. Varun koishe, tai censore laka mock kura nahoi, hoilebi serious pora censor board te thaka manu laga life bujhibole try kuribole.
Swanand, jun Masaan te Varun logot kaam kurishe, koishe ki tai first din pora etu project te thakibole excited thakishe. Tai initially alak role paishe, kintu pisot schedule change karone alag role loishe. Tai koishe, Kiss ekta important film ase aru tai etu film te thaka karone khushi ase.
Varun bhi koishe, Kiss tai laga first film thakishe, aru though challenging thakishe, tai laga crew bishi supportive thakishe. Tai bishi sikhibole paishe koishe.
Censorship laka kotha koi, Varun koishe, democratic desh India te, censorship na thakibole lage. Swanand bhi agree kurishe ki actual censorship artist laga mon para ahi bole lage, na ki political pressure para.
Kiss Mubi India te stream kuri ase.
Add Comment