India, 31 October 2024: Vanchit Bahujan Aaghadi (VBAA) chief Prakash Ambedkar ke hospital te admit kuri dishey chest te bikhai ase koina complain kura pichideh, Thursday din morning te.
Balasaheb Ambedkar ke ICU te treat kuri ase taila heart te blood clot nimite. Tai laka echa halat toh stable ase aro tai angiography jabo next hour te. Enika koishey VBA khan pra tai khan laka X post te.
Ambedkar ghor manu khan echa eku questions nalubo aro request kuri ase family khan laka privacy respect kuribo leh, tai khan enika halat te thaka time te, enika koishey post te.
Party khan pra koishey Prakash Ambedkar toh 3-5 din karne medical observation la under te thakibo. Aro Maharashtra te state assembly election laka campaign toh state president Rekha Tai Thakur pra lead kuribo, Election Coordination Committee, Manifesto committee aro Media aro Research Department khan laka madat pra.
Add Comment