VC Prof Dhiraj Bora morishe

July 3, 2021. Assam Science & Technology University(ASTU) Vice Chancellor & former director of Gujarat’s Institute for Plasma Research Prof Dhiraj Bora, toh Saturday din tai laga ghor Ahmedabad te morishe koishe. “besi mon duhk te, ami khan para etu khobor Vice Chancellor, Prof (Dr.) Dhiraj Bora toh aji 11:30 AM samia, tai laga ghor Ahmedabad, Gujarat para jarikena jaishe,” koikena ASTU laga registrar para statement te janaishe. Prof Bora mora nemite Assam chief minister Himanta Biswa Sarma aro dosura ministers khan para be mon dukh howa kotha janaishe. Assam health minister Keshab Mahanta para koishe ke, “ami laga mon duhk howa toh eminent physicist Prof Dhiraj Bora nemite ase. Tai para Assam Science & Technology University & ex-Director, Institute of Plasma Research, Gujarat te Vice Chancellor thaka samai besi bhal kam korikena thaka toh hotai yaat thakibo.” Prof. Dhiraj Bora para Jalukbari, Guwahati te ASTU Vice-Chancellor toh November  2106 saal te kam korishe. Tai ke appoint kora beche, Prof. Bora toh aro Institute of Plasma Research (IPR), Gandhinagar te director kam korishe. Tai toh aro ITER-India te chief scientist thakishe. September 2006 para December 2012 saal dak. Prof. Bora toh deputy director general aro Directorate for Controls, Heating & Diagnostics at ITER International Organization, Cadarache, France te director thakishe. ITER te kam kora akhe te, Prof. Bora toh Institute for Plasma Research, Gandhinagar te professor aro project leader thakishe. Prof. Bora toh School of Business, George Washington University, USA te be certified project manager kam korishe. Tai para USSR te 1975 saal, Experimental Physics te Master Degree paishe. Etu beche tai Physical Research Laboratory te joined korikena 1979 saal te PhD kotom korishe. 2012 saal te tai ke aro Kamal Kumari National Award toh Science & Technology te paishe. Prof. Bora ke aro Gauhati University te Confederation of Indian Universities, New Delhi 2018 saal te 4th International Conference on Environment & Ecology thaka samai Life time Achievement Award paishe. Prof. Bora toh Plasma Science Society of India te treasurer, secretary, aro president kam be korishe. Tai para etu oper te Indian aro foreign kotha besi janikena thakishe. Prof Bora laga nam toh national directory for technical translators of Russian te samil ase aro tai para books aro monographs toh Russian kotha para English te translated korikena ase koishe.