Bhubaneswar, 29 January: Vedanta Kalinga Lancers home fans laga samne Bhubaneswar laga Kalinga Hockey Stadium te ekta khub thrilling final te Ranchi Royals ke 3-2 pora harai diya aru Men’s Hockey India League (HIL) laga title jiti loise.
Alexander Hendrickx (4’, 27’) aru Dilpreet Singh (25’) Lancers laga goal scorer thakise. Ranchi Royals laga phale pora Araijeet Singh Hundal (9’) aru captain Tom Boon (59’) goal kori dise.
Hockey India League (HIL) champions Vedanta Kalinga Lancers ke INR 3 crore prize money announce kori dise. Runners-up Ranchi Royals ke INR 2 crore, aru third position te thaka Hyderabad Toofans ke INR 1 crore diya hoise. Hyderabad Toofans dinor age HIL GC ke harai diya thakise.
HIL GC ke Fairplay Award diya hoise. Tamil Nadu Dragons laga goalkeeper Prince Deep Singh tournament laga Best Goalkeeper award jiti loise, aru HIL GC laga Talem Priyobarta ke Upcoming Player of the Tournament award diya hoise. Duita player INR 10 lakh ke kori paisey.
Ranchi Royals laga captain Tom Boon total 19-ta goal kori tournament laga top scorer boni loise aru INR 10 lakh award paisey. Meanwhile, Hyderabad Toofans laga Amandeep Lakra ke Player of the Tournament bonai diya hoise aru tai ke INR 20 lakh diya hoise.
Add Comment