Pakistan blast: 14 Army soldiers muri jai shae, Quetta railway deh
November 9-11-24: Pakistani separatist para claim kura bombing deh 25 manu muri jai shae, tateh para 14 jun tho Army soldiers kan taki shae, Etu bombing tho Baluchistan province laka ekta railway station deh hui shae, Saturday din deh. Passengers kan main railway station deh ruka time deh, blast tho hui shae.“25 confirmed dead deh 14 army personnel ase,” Muhammad Baloch, ekta senior local police official para kui shae. Blast hua time deh, ekta train tho platform para depart hobo leh ready deh taki shae, news agency Reuters para report kuri shae.Quetta senior superintendent of Police (SSP) operations Muhammad Baloch para agae deh incident tho suicide blast nishi nah dikae kui shae, hoile b etu kobo leh bishi julti ase kui shae. Tai para investigation ekta kuri ase kui shae, blast tho kinaka hui shae kui nah.Reporters keh kotha kura time deh, SSP Baloch para utu jaka deh ekso nishi nah manu taki shae kui shae, Mohammad Baloch para passenger tho Quetta para Rawalpindi deh jabo leh train karne rukhi taki shae kui shae.
Add Comment