Venezuela, 3 January 2025: Venezuela laka government khan pra $100,000 inam offer kuri ase khobor karne kunto madat kuribo opposition laka exiled presidential candidate Edmundo Gonzalez arrest te. Tai September te country pra polai jaishey aro Spain te political asylum paishey, Venezuela laka authorities khan pra tai laka arrest order kura pichideh. Gonzalez ke accused kuri shey conspiracy aro documents khan forge kura nimite.
Gonzalez kosom loishey Venezuela te wapas ahibo leh President Nicolas Maduro laka inauguration nahwa agae te next Friday te, government ke vote khan rigged kura accused kuri shey. Inam toh announced kurina olop deri hwa pichideh, Gonzalez pra koishey tai Argentina te jai ase Latin America laka tour shuru kuribo leh, tadeh tai fierce Maduro critic President Javier Milei ke lok pabo Saturday din te.
United Nations’ Human Rights Committee khan pra Venezuela ke order kuri shey voting tallies toh biya kura pra refrain kuribo leh presidential election pra July 2024 te. Voting tallies- each polling station pra vote laka detailed official breakdown- jakara laka centre ase kun election jiti shey etu laka opor te. Government-aligned National Electoral Council (CNE) khan pra incumbent, Maduro ke winner declared kuri shey hoileh voting tallies toh dikhabo pari nai etu khota ke support kuribo leh.
Add Comment