Venezuelan government para teentha American citizen keh detain kuri nah ase

September 15, 2024: Venezuelan government para president Nicolas Maduro keh assassinate kuri bole laka plot kuri ase kui nah suspect deh, teentha American Citizen keh detain kuri nah ase. Taikan country keh sabotage kuri bole plan kuri ase kui nah accuse hui nah ase. Saturday, September 14 din deh, Venezuelan interior Minister Diosdado Cabelo para teentha Americas, tuita Spaniards aro ekta Czech citizen keh arrest kuri nah ase kui shae. Minister para taikan allegedly, violent actions kuri nah Maduro aro taila government keh destabilize kuri bole plot kuri ase kui shae aro etu karne taikan keh detain kuri nah ase kui shae. Cabello para government para ekso laka upor weapons kan seized kuri nah ase kui shae, Agence France Press isap deh. Cabello para etu manu kan keh kitia arrest kuri shae, etu tho kwa nai. Tai para CIA tho etu operation laka charge deh ase kui shae aro Spain laka CNI b charge deh ase kui shae, Spanish outlets laka isap deh. Cabello para recently, Puerto Ayacucho deh tuita Spaniard keh detain kuri nah ase kui shae. Tai para detain kura manu kan tho mercenaries keh bisari taki shae kui shae, president keh assassinate kuri bo karne. United States government kan etu operation lokot deh links ase kui nah mukan janeh,” Cabello para kui shae. “Taikan para French mercenaries keh contact kuri shae, taikan Eastern Europe para mercenaries keh contact kuri shae aro taikan itia ekta operation deh ase, mukan laka country keh hamla kuri bole,” Cabello para kui shae. Tai para aro 400 laka upor rifle keh sized kuri shae kui shae kuto kan US para originate ase. Tai para detainees kan tho terrorist acts kuri bole plot kuri taki shae kui shae.