Kochi, 10 August : Jaa season kunwa karoney, kerela team toh senior cricketers ke bishi dependent thakishey, bishi pak lamba format dey, runs aro wickets tuita karney bhi. Juti 34 saal pura Sachin baby (7 matches dey 830 runs) aro 36 saal pura Rohan Prem (7 matches dey 480 runs) toh jaa par Ranji Trophy season dey state karoney top tuita run getters thakishey, 36 saal Jalaj Saxena para 7 matches dey 50 wickets paina charts laga upar dey huishey.
Sanju Samson, tai laga team India commitment karoney 3 games ekela khilishey, kerela laga jawaan khiladi khan para taikhan laga seniors logot complement kuribo naparia toh kerela ke bishi dangor jokhum huishey aro taikhan ke Ranji Trophy laga knock out round dey khusibo naparia dikhiwo parishey.
Itu kerela laga notun coach M Venkataramana para bhi Jani thakia challenge ekta asey aro tai team dey thakia senior pros aro jawaan khiladi laga maju dey performance level thakia gap toh bondh kuribo mun asey.
“Itu jagah dey mui bishi wala mun diwo. Mui laga emphasis toh support khildai khan laga performance bhaal kuriboley dey asey. Kerela cricket dey bishi talent asey. Itu squad dey thkia khiladi laga ekla nahoi. Support system toh bhaal thakibo lagey aro mui vishnwas kuri asey ki feeder system para players logit bhi kaam kuribo paribo aro taikhan ke bhaal wala huwoley motut kuribo,” kuishey Venkataramana.
Tai laga khilia time career dey off-spinner thakina, KCA para Venkataramana ke kerela laga notun ahiwoley spinners ke develop kuriboley entrust kurishey.
“Mui spinners ke unit ekta nishna sai. Quality spinners para match ke julti ulta muriwo parey, ki format huilewi. Mui Jana tak toh, Jalag ke charina, kerela laga spinners olob toh asey Sijomon Joseph, Akshay Chandran, aro alag kunwa. Mui taikhan logot mun Dina kaam kuribo aro itu bowlers khan para sobse bhaal ulai diwoley kosis kuribo,” kuishey 57 saal pura para.
Venkataramana para bhabhey ki Karnataka allrounder Shreyas Gopal ke 2nd professional mehmaan khiladi panaina kerela laga side dey aniley team ke bishi takot dibo.
Kerela toh Ranji Trophy laga knock outs dey last khusia toh 2018-2019 season dey Australian Dav Whatmore coach thakia time dey thakishey. Aro Venkataramana lagey ki taikhan knockout round tak aro jawoley tai para motut kuribo paribo.
“Mui muun diwo mun jaa ekta jagah toh team laga red-baal performance asey. Mui bhabia tak toh team para jaa kunwa season dey khilia logot aro unja level dey khilbo paribo,” kuishey Venkataramana kun ek zamana dey India laga spinner thakishey.
Add Comment