Agencies, 16 June: Veteran actor Chandrashekhar toh Wednesday te morise. Tai laga omar 97 thakise. Actor ke toh Ramanand Sagar’s television series, ‘Ramayan’ te Arya Sumant laga role kora te jani. Tai toh Wednesday bhujor 7 am te morishe.
Chandrashekhar toh 250 opor films aro besi TV shows korise tai laga samba samai career te. Tai para journey toh ekta junior artist hisab te korise aro films Aurat Teri Yehi Kahani (1954) nesana te leading roles thakise. Tai laga first film hero hisab te thaka toh Surang (1953) te thaksie aro etu toh V. Shantaram para bona thakise. Tai films Kavi aro Mastana 1954 te, Baradari (1955), Kali Topi Lal Rumal (1959), Street Singer, aro Basant Bahar te ekta negative role korise.
Tai be 1985 to 1996 tak Cine Artistes Association (CINTAA) laga president hisab te thakise.
Actor mora te samaan korikena aro khobor confirm korikena Cine & TV Artistes’ Association (CINTAA) para tweet te Shri #Chandrashekhar ji mora te ektum monn dukh howa janaishe. Film trade analyst, Atul Mohan para be etu opor te khobor korise.
Chandrashekhar laga bacha Ashok Shekhar toh jani-mani television producer ase aro tai laga grandson Shakti Arora toh actor ase.
Add Comment