Mumbai, 16 October : Veteran actor-dancer Madhumati kali Juhu te tai laga residence te age-related problem karone muri jaise, tai laga close associate Thursday din confirm kori se. Tai 84 saal laga thakise.
Hutoxi Reporter hisab te jani thaka actor-dancer Madhumati, naam change kori loise, Dilip Kumar laga film “Madhumati” release hua pichete. Tai 1950s aru 60s te famous hoi jaise tai laga dance performances karone — Kathak ekela nohoina contemporary Western, duita te bhi tai master thakise. Madhumati Bollywood laga actor khan jaise Akshay Kumar, Chunky Pandey, Tabu aru Sonam Kapoor laga dance guru bhi thakise.
Journalist aru Madhumati laga close associate Chaitanya Padukone kowa hisab te, actor Wednesday morning te last breath loi se. Tai koise, Madhumati ke Hindi film industry laga dangor dangor legend khan — Raj Kapoor pora Sunil Dutt aru Rajkumar tak — bishi respect kori thakise.
Journalist laga kotha hisab te, Madhumati “MAA” naam laga ekta academy chalai thakise juntu te tai student khan ke dance train kori thakise. Akshay Kumar bhi Instagram te heartfelt note likhise, tai ke “first and forever guru” kuina yaad kori se.
Madhumati laga last rites Wednesday evening te Oshiwara Electric Crematorium, suburban Mumbai te perform korise.
Add Comment