Agencies, 02 June: Legendary actor Dilip Kumar toh city hospital laga intensive care unit (ICU) te admit hoi kena thakise aro tai toh phal halat te ase. Etu khobor toh family shati Faisal Farooqui para Friday te janaishe. 98 omar screen icon ke toh suburban Khar-based Hinduja Hospital, non-COVID facility te Tuesday te loija thakise kelay koile besi omar howa para aro sash lobole dekthari thaka nemite.
Farooqui para tai laga halat thek para ase aro doctor laga advice te tai hospital te thaki thakibo koise. Etu para doctor toh tai ke lakiya medical attention debole paribo koise. Family khan tai toh ek-din nahoile tui din te discharge hobole bhabona ase.
Tai para family khan toh motai prathana kori thaka khan ke kushi powa dhanyabad janaishe koise. Jowa moina eki hospital te Kumar toh sash lobole dekthari nemite admit howa thakise koise.
Kumar laga fifty opor sal career te tai laga hits film toh “Mughal-e-Azam”, “Devdas”, “Naya Daur”, aro “Ram Aur Shyam” nesana khan ase. Tai laga last dangor screen te toh 1998 sal film “Qila” thakise.
Veteran actor Naseeruddin Shah be eki hospital te admit hoise aro tai be pneumonia nemite treatment loi ase.
Add Comment