Agencies, 11 April: Saturday te Punjab Chief Minister Amarinder Singh toh ekta private hospital Ludhiana jaga te thaka te veteran Punjabi actor Satish Kaul (76) mora nemite ektum mondukh howa janaishe. Condolence message te, Chief Minister para Kaul toh ekta versatile actor thakise koise aro tai toh Punjabi cinema, art aro culture te promote koribo nemite kaam laga role kora thakise koise.
CM para be sob manu khan para Kaul ke yaat kora toh tai laga besi motob Punjabi cinema popular koribo nemite deya te ase koise.
Satish Kaul toh besi Hindi films te BR Chopra’s Mahabharat be melikena act kora thakise. Tai toh Saturday te COVID-19 te mela dekthari nemite morise. Tai laga omar toh 74 thakise. Tai laga bhoni Satya Devi hisab te, actor Kaul toh Mahabharat te Lord Indra laga role kora nemite popular ase. Kaul toh choi din agae bokhar howa nemite ekta city hospital te admit howa thakise.
Satya Devi koise, “Tai toh aji bhujor COVID-19 nemite hospital te morise. Tai toh bokhar thakise aro thek thaka nai. Tai ke Thursday te hospital te admit korise aro test korise. Test toh COVID-19 positive ola thakise”.
Actor toh 300 opor Punjabi aro Hindi fims te kaam kora te “Pyaar Toh Hona Hi Tha”, “Aunty No 1” aro TV show “Vikram Aur Betaal” be melikena ase. Kaul toh Mumbai para Punjab te aha thakise aro 2011 nesana te acting school suru kora thakise hoilebe kamiyaab howa thaka nai.
Add Comment