Hyderabad, May 30, 2026: Senior Congress leader aro Andra Pradesh laga former minister, Gade Venkat Reddy toh mure she, tai 89 sal thake she.
Tai dangor ekta role khele she Delimitation of Parliament aro Assembly constituencies khan te. Aro Telangana statehood te be kam kure she tai.
Mr. Reddy toh Friday te, tai laga ghor te para mure she, kunto Hyderabad te ase. Tai olop dere karne bemar hoi kena ahe thake she koi she. Tai laga maiki aro tin ta mota bacha bache kena ase.
Tai laga body toh Pavuluru bosti te jabole ase, kunto Baptala district te ase.
Reddy toh Assembly te first time gushe she 1967 te, tai 29 sal thakea homoi, Paruchur constituency te, tai juldi former Chief Minister P. V. Narasimha Rao laga confidence pai jai she.
Tai para Young MLAs Forum be banai she, Narasimha Rao’s laga leadership te modok kure bole karne. Tai pasta election hare lebe, tai Assembly te wapas ahe bole pare she byelection te para.
