Veteran Telugu actor Raavi Kondala Rao, 88 umer te morishe

New Delhi. July 29, 2020. Veteran actor, writer, director, aro  Telugu producer Raavi Kondala Rao, Tuesday din, Hyderabad laga private hospital te cardiac arrest para morishe. Tai tuh 88 umer thakishe. Raavi Kondala Rao para film besi act kurikena aro 600 oper south Indian movies te shamil ase, tai besi wala tuh Telugu cinema te act kurishe. Raavi Kondala Rao tuh 1966 para  1990 saal dak Telugu film magazine Vijaya laga associate editor be thakishe. Tai laga chokura eta ase aro tai laga maiki Radha Kumari tuh be actor ase aro 600 movies act kurikena ase. Hoilebi tai be 2012 saal te morishe koishe. Etu tuita(2) couple para eke logot melaikena movies besi act kurikena ase. Raavi Kondala Rao laga sobse bhal films khan tuh- – Tene Manasulu, Pelli Pusthakam, Dasara Bullodu, Edurinti Mogudu Pakkinti Pellam, King, Radha Gopalam and Varudu dusrakhan. Tai para aro bi  Bhairava Dweepam, Sri Krishnarjuna Yuddham, and Brundavanam, nimete dialogue likhise.