NEW DELHI: Defence spokesperson para tweet kuri kena khobor kurishe ke Vice Admiral Karambir Singh toh aha din laga Chief of Naval Staff hubole ase. Tai toh Admiral Sunil Lanba pichete chunibole ase. Admiral Sunil Lanba toh etu saal Mayu moina te kaam para retire hubole ase.
Vice Admiral Singh toh etiya Flag Officer Commanding in Chief hesab te kaam kuri ase. Etu toh Viskhapatnam laga Eastern Naval Command te ase.
Navy laga official website laga article hesab te tai toh National Defence Academy, Khadakwasla laga alumnus ase.
Tai ke July 1980 saal te Indin Navy te commission kurishe. Tai toh 1982 saal te helicopter pilot hesab te officer toh tai laga wings kamaishe. Tai toh Defence Services Staff College, Wellington aro College of Naval Warfare, Mumbai para graduate kurishe.
Add Comment