Hanoi, Vietnam, 17 September: Official pora janaideya hesab de, Sunday rati Hanoi jaga de electronic dance music festival thakise koise. Etu time de drugs khai kena seven Vietnamese morise aro five jun toh coma de ase koise. Etu hatsa howah manu khan na-jana drug khaa toh positive paise. Etu pora official khan EDM festivals toh bondh kori deya thakise. Tati laga manu khan ke be etu hatsa ppora pura helaideya thakise. Monday din Hanoi police Nguyen Van Vien laga deputy director pora reporter khan logode koi-kena thaga toh, police khan etu drugs toh ke laga type ase jani-pabole kosish kori ase koise. Official pora kowah hesab de, mora khan toh 20s majode morise koise. Aro bachi thaga pas-jun comma de thaga toh 18 aro 30 sal khan ase koise. Bemar khoi kena thaga khan toh tuita Hanoi hospital de ektum phal pora sai ase koise. Investigators khan toh kun pora drugs anise etu khan ke pabole besari ase aro investigation hoi thaga time de etu nesana even toh bondh hoi kena thakibole ase. Hanoi government’s propaganda department laga deputy head, Tran Xuan Ha pora Sunday din enaga howah toh ektum bekha laga ase aro etu toh dangor loss ase koise/ State media laga hesab de, third Vietnam Electronic Weekend festival toh desh de thaga ase aro etu toh sobse dangor hatsa ase koise. Official figures laga hesab de, Vietnam de 220,000 nesana namu khan drug jolai koise. National broadcaster ABC laga hesab de, Saturday saam Sydney jaga de electronic music festival thakise aro tati tuita Australians toh drugs khai-kena morise koise.
Add Comment