August 2, 2024: Vikas Divyakirit laka Drishti IAS coaching centre para Rs 10 lakhs laka financial assistance announce kuri shae, teentha UPSC civil services aspirants laka kandan karne, kun kan Rau IAS institute laka ekta basement library deh dubi nah muri jai shae. Ambedkar Nagar laka Shryea Yadav, Telangana laka Tanya Soni aro Ernakulam laka Nevin Dalwin kan July 27, 2024 din deh muri jai shae. Rau laka IAS basement library, kuto illegally operate kuri taki shae, etu jaka tho pani para flood hui jah tho, taikan muri jai shae. Etu hua piche deh MCD para enaka nishi nah libraries kan keh bishi seal kuri nah ase. “Mukan jani ase, kiman poisa taki leh b bacha hara laka duk keh tho hata bole napari bo. Hoile b enaka time deh mukan laka solidarity express kuri bo karne, Drishti IAS para charta kandan kan keh Rs 10 lak laka financial assistance dib oleh decide kuri shae,” coaching centre para ekta press release deh kui shae. 4th victim tho ekta UPSC aspirant Nilesh Rai ase, kun electric shook para muri jai shae, Laxmi Nagar deh. Drishti IAS para b current Rau laka IAS students kan karne free academic support announce kuri shae. Tateh classes aro test series kana se general studies aro optional subjects karne. Students kan August 5 piche deh etu support tho access kuri bole pari bo, Drishti IAS laka Karol Bagh office keh contact kuri nah.
Vikas Divyakirti laka Drishti IAS para Rau laka IAS victim keh Rs 10 lakh aid offer kuri ase
Add Comment