New Delhi, 25 September : Bollywood actor Vikrant Massey etiyaa confirm kori dise ki, digha din dhori cholise thaka rumors sosta hoise — tai Karan Johar laga agami film Dostana 2 te hissa lobo. Itu movie Massey laga prothom project hobo Dharma Productions logot.
Actor recently National Film Award bhi paise tai laga film 12th Fail karone. Tai itu award share kori dise Bollywood superstar Shah Rukh Khan logot, juntu bhi nija agey National Film Award jitise Jawan film karone.
Vikrant, juntu role agey Kartik Aaryan logot jorito thakise, etiyaa tai utha lobo. Ekta interview te Times Now logot, Massey disclose kori dise ki “news already out ase” aru “Moi he Dostana 2 kori ase, moi laga prothom Dharma movie.” 12th Fail actor aru add kori dise, “Tumikan moi ke dekhibo dangor designer kapra pora. Karan sir ensure koribo ki moi fancy sunglasses poribo. Shooting Europe te hobo.”
Vikrant confirm kori dise ki Lakshya bhi itu film te ase, kintu female lead laga naam disclose nakoribo kuina koi dise.
Juntu manu janena, Kartik Aaryan, Janhvi Kapoor aru Lakshya original Dostana 2 cast te thakise. Kintu film shelve kori dise, aru Dharma Productions 2021 te announce kori dise nola cast, Kartik aru Karan Johar laga fallout karone.
Work front te kotha kole, Vikrant Massey last dekhai dise Santosh Singh laga romantic drama film Aankhon ki Gustaakhiyan Shanaya Kapoor logot, junu etiyaa Zee 5 te stream kori ase. Lakshya side te, recently Aryan Khan laga highly-anticipated Netflix show The Ba*ds of Bollywood te dekhai dise, juntu te tai lead role Aasmaan Singh play kori dise. Itu show te Raghav Juyal, Bobby Deol, Sahher Bambba, Mona Singh, Anya Singh, Manoj Pahwa aru onek jon actor bhi dangor role play kori ase.
Add Comment