New Delhi, September 24 – Actor Vikrant Massey, jun 71st National Film Awards te Best Actor Award paishe, tai laga film 12th Fail karone, ekta emotional moment share kurishe. Massey etu honour toh tai laga family ke hai nohoi kina, IPS officer Manoj Kumar Sharma ke bhi dedicate kurishe, juntu laga real-life journey film te dekhaishe.
Massey, jun Best Actor title Shah Rukh Khan logote share kurishe, koishe ki Sharma ceremony te thaka khan karone ekta personal moment hobo. “Manoj sir etiya toh moi laga family hoishe. Tai moi laga osor te thaka aru moi laga ama, moi laga maike Sheetal Thakur aru moi laga sathi khan logote thaka award ke bishi special banai dishe,” Massey para koishe.
Vidhu Vinod Chopra directed 12th Fail bhi Best Film Award paishe, aru double success hisab te mark kuri dishe. Film toh Sharma laga struggle dikhai she, fail kora student para IPS officer bona tak, aru ekta inspiration dishe pura desh te thaka students khan karone.
Massey nijor artistic journey laga upor te reflect kurishe. Tai normal manuh laga role play kora te beshi comfortable lage, kintu future te comedy aru light-hearted genre explore kuribole mon ase. Massey para koishe ki tai 7 months break lobo aru etu pichete kaam shuru kuribo.
Etu award ke jeetiya toh, Vikrant Massey India laga talented actor khan majote nijor jagah pakka kuri loishe, aru 12th Fail hobo ekta story grit, hope aru inspiration laga.
Add Comment