Peren, May 29, 2025: Viksit Krishi Sankalp Abhiyan (VKSA), ekta desh pora kheti laka campaign, Community Hall, Mhainamtsi Village, Peren te launch kurishe. Etu programme Deputy Commissioner, Peren, ICAR-Krishi Vigyan Kendra (KVK) Peren, CAU Jalukie aru State Agriculture & Allied Departments milik kuri organize kurishe. Mhainamtsi, Nkwareu, aru New Jalukie gao para 175 opor farmers etu programme te aahi kina attend kurishe.
CoVSc, CAU Jalukie Campus laga Dean Dr. I. Shakuntala, special guest hisap te address kurishe ki etu campaign laga main goal ase farmers khan ke modern kheti technique, especially kharif crop laga upor te sikha bole, farmers, scientists aru policymakers laga bich te direct contact establish kuribole, aru Viksit Bharat 2047 mission ke support kuribole.
Tai koishe ki etu campaign 700 district, 65,000 gao aru 1.5 crore farmers ke reach kuribo. 15 din laga period te, farmers khan scientists aru agriculture experts logot direct milibo. 2,170 teams kaam kuribo, juntu 731 KVKs, 113 ICAR institutes, universities aru state departments para support pabo.
ADC Jalukie, Albert, organize kuri thaka officers khan ke baal pa janai koishe ki etu campaign district te farming economy change anibo pare. Tai farmers khan ke encourage kuri koishe ki nijor land te hard work kuribo, resources bhal para use kuribo aru bahar para labour upor depend nohobole.
Etu programme Dr. Zieleigai Ndang, DAO Peren para chair kurishe, keynote address Z. James Kikon para dishe aru vote of thanks Dr. Namsui Thou, CVO Peren para dishe
Add Comment