Tuensang, 29 May 2025: Desh pura logot ek sat, Viksit Krishi Sankalp Abhiyan launch korise KVK Conference Hall, Tuensang te 29th May 2025 te, juntu special guest thakise Deputy Commissioner, Tuensang, Lithrongla Tongpi Rutsa.
Launching programme te kotha kuri thaka time te, Deputy Commissioner Lithrongla Tongpi Rutsa koise ki ‘Viksit Krishi Sankalp Abhiyan’ ekta desh bhar kaam chola campaign ase, juntu aim ase India ke agriculture te modernize kora, scientific outreach aru farmers empowerment laga nyom te. Tai koise ki Narendra Modi, Prime Minister of India laga vision ase India ke 2047 pora world laga food basket banabole. DC request korise farmers khan ke ki etu platform ke ekta opportunity hisap te lobo lage jate visiting scientist aru expert pora bhal dhorika te crops harvest aru storage sikhibo pare.
Dr. Pijush, Senior Scientist aru Head, KVK Tuensang, tai laga introductory speech te koise ki etu campaign laga main objective ase: Farmers khan ke modern technology te educate kora, Government schemes aru policies upor te awareness diya, Soil health aru crop selection upor guide kora, Farmers laga feedback loi research direction aru agriculture innovation te help kora.
Programme to Longma Yanger, ACTO pora chair korise, DAO Tuensang aru VCC Kuthur Village para short speech dise aru K. Michael Pienyu, ACTO para vote of thanks dise. Etu programme te ICAR, Agriculture Department para scientist aru professor khan attend korise.
Viksit Krishi Sankalp Abhiyan Tseminyu te inaugurate korise
Tseminyu, 29 May 2025: ‘Viksit Krishi Sankalp Abhiyan’ campaign launch kora hoise Council Hall, Tesophenyu Village, Tseminyu te 29th May 2025 te, juntu special guest thakise ADC Tseminyu, Kikumsangla Jamir (NCS).
Etu program te farmers logot Soil Testing aru Soil Health Card campaign laga importance, Animal Feed aru Health management, Off-season vegetables cultivation, Soil aru water conservation laga topic opor kotha kurise
Program to SDAO, Tseminyu, Atilo Tep pora chair korise aru welcome address dise. Keynote address Head KVK Kohima, Tseminyu para deliver korise aru vote of thanks Amenla Longchar, District Horticulture Officer (DHO), Tseminyu pora pronounce korise.
Add Comment