US, 30 June : Actor Vin Diesel Saturday US te Fast and Furious laga co-stars Tyrese Gibson aru Cody Walker logot Fuel Fest te join kurise. Variety laga report hisab te, Vin fans khan logot kotha kuri janai dise ki expect kuribo pare Fast and Furious 11 para, jun ki franchise laga last film hobo, aru tai Paul Walker laga character wapas aahibo kuina tease kurise. Internet te mix reaction aahise.
Vin fans laga ekta crowd logot koi dise ki Fast and Furious 11 tentative hisab te April 2027 te release hobo. Tai Paul laga return tease kuri koi dise, “Studio mui logot koi thakise, Vin, amikhan Fast and Furious laga finale April 2027 te dibo paribo ne? Moi koishey, tinita condition te. Agey condition to asey – franchise LA (Los Angeles) te wapas loi jaabo lage! Dusra – car culture te wapas jaabo lage, street racing te! Aru tisra – Dom aru Brian O’Conner ke wapas milaabo lage.”
Jun manu jane nai, Paul Fast and Furious film franchise te ekta cop bana street racer Brian O’Conner laga role play kurise. Paul 2013 te 40 saal laga umar te ekta car crash te mori jaishey, tai etiya clear nohoi ki AI use kuri digitally tai ke film te dikhai dibo niki, nai hole Vin purana footage laga kotha koi ase.
Add Comment