June 2, 2024: Champions League laka final deh Real Madrid kan para 2-0 score deh Borussia Dortmund keh harai di shae, London laka Wembley Stadium deh. Vinicius Jr paraReal Madrid karne ekta Champions League-winning goal mari nah taila season tho ekta bhal note deh kotom kuri di shae. Brazilian winger tho etu season laka ballon d’Or’ jiti bole ekta top contender hui shae. Taila ekdum bhal show para Real Madrid keh Champions League, La Liga aro Spanish Super Cup jiti bole di shae. 23 sal laka Vinicius Jr para Real Madrid karne 2nd goal tho score kuri shae. Etu score kuri nah Readl Madrid kan taikan laka 15th Champions League titile seal kuri di shae. “Vini Jr, tai Ballon d’Or’ jiti bole lakeh, sure ase,” Ancelotti para kui shae, Madird kan taikan laka 15th UCL title jita piche deh. Club president Florentino Perez para b etu eki kui shae. Tai etu piche deh veteran Luka Modric laka future deh update kuri shae. Tai para Croatian maestro tho aro ekta season karne taikan lokot deh taki bo pareh kui shae. “Mui laka papna deh Luka Modric mukan lokot deh taki bo. Mui laka papan deh tai aro ekta season karne taki bo pareh,” Real Madrid president para kui shae.
‘Vinicius Jr Ballon d’Or’ babo lakeh: Carlo Ancelotti
Add Comment