India, 13 October : Kitia Virat Kohli aro Naveen ul Haq gale lagaishey aro ekjun ekjun ke bhaal hota kuishey India laga jeet maju dey Afghanistan laga khilaf itia juli thakia Cricket World Cup dey Wednesday, taikhan former India cricketer Gautam Gambhir para bhi tarif paishey.
“Itu toh bhi bhaal gesture thakishey. Bhaal khota toh muikhan para Virat aro Naveen ke overs laga maju dey dikhishey, muikhan dikhiwo parey ki ladai toh khotom huishey. Mui bisas rakhey ki Afghanistan toh World Cup dey sob venue dey khilia homoi, bheer para Virat laga itu gesture dikhibo,” Gambhir kuishey presenter Jatin Sapru ke tai laga YouTube channel dey.
Tai aro agey kuishey : “Sob manu nijor laga honour aro taikhan laga team karoney ladai kuriwoley haq asey. Huilewi itu nishni ladai toh bheej dey thakibo lagey, bahar dey najaina. Tui kuntu laga desh para huwi farq nai nhiiley tui kiman bhaal khiladi huilewi farq nai. Toh mui laga idcha asey ki bheer para ahia time homoi bhaal vyabhar dikhawo. Kitia foreign khiladi khan India dey khiliwoley ahey, muikhan laga desh karoney muikhan bhaal wala brand ambassadors huwo lagey. Itu khiladi khan bhaal yaad para wapis jawoley lagey. Taikhan ki desh para huilewi, Pakistan nahuilewi Afghanistan. Middle deh kiba ekta hua karoney taikhan ke biya para haansai dia toh thik nai. Muikhan bhaal ambassadors huwo lagey.
“Utu ladai piche dey bheer para vybhar kuria toh… fans khan huilewi olob sensible huwo pari thakishey. Itu tuita team laga alawa kun para bhi najaney hosa toh ki huishey itu tuita khiladi maju dey.” Tai halishey.
Add Comment