Huilewi, taikhan aro bishi lamba raasta jawo lagey top teams khan ke taikhan bhui khawoley agey dey. Huilewi taikhan laga aatet dey nijor ke bisas kuria laga thakia toh dikhiwo parey.
Yatey Arun Jaitley stadium dey, host India laga khilaf khiliwoley thakia toh Saturday dey, bishi pak khota toh Naveen-ul-Haq aro Virat Kohli laga maju dey duel thakiwoley laga hi asey.
Itu toh khali cricket ekela laga khota nahui huilewi itu saal ekta IPL match dey Lucknow Super Giants aro Royal Challengers Banglore laga maju dey thakia dey taijun laga field dey jagarah karoney asey.
Interesting asey ki Afghan cricket laga evolution dey Indian cricket para bishi dangor role khilishey. Taikhan Noida, Dehradun aro Lucknow dey ghor paishey kitia taikhan nijor laga ghor dey kunwa cheez politically biya thakishey. Afghan khiladi khan toh Indian cricketers bishi Mahan phabina ahi asey.
“India toh muikhan laga ghor nishna asey. Mui yatey train kurina khilishey aro India laga manu khan Afghanistan manu khan ke bishi morom dey. Aro ground dey ki hoi itu laga gussaa toh sob khiladi ke ahey. Itu India aro Afghanistan laga nahoi. Aro tui sailey muikhan laga khiladi khan toh India laga Cricketers para bishi manu ke Mahan phabey Tendulkar aro Rahul Dravid khan nishina. Toh, itu karoney eku jinta nai.” Afghanistan captain Hashmatullah Shahidi kuishey pre-match press conference dey.
Add Comment