Agencies, 31 July: Former India cricketer Virender Sehwag and hockey stalwart Sardar Singh ke toh Friday din 12-member committee te malaise. Etu committee toh sports ministry para etu sal laga National Sports Awards winners junibo nemide bona laga ase.
Jowa sal nesana, ministry para sigle selection committee nemide junishe. Etu toh athletes aro coaches majode awardees junibo nemide ase. Aro etu te Retired Supreme Court Justice, Mukundakam Sharma para head koribole ase.
Aro panel te Paralympic silver-medallist Deepa Malik be ase.
Sports Ministry koise, “etu sal be one selection committee laga idea logode sob awards nemide thakibo. Aro ami khan be bhabona ase besi committees para chese toh dekthari bonabo aro khali kotha ola thakibo”.
Committee laga tusara members te former table tennis player Monalisa Baruah Mehta, boxer Venkatesan Devarajan aro sports commentator Manish Batavia aro journalists Alok Sinha aro Neeru Bhatia be melikena ase.
National sports awards toh hotai sal August 29 te dae. Etu din toh hockey icon Dhyan Chand laga birth anniversary ase.
Panel te be Sports Ministry para representative thakibo aro etu te Sports Authority of India Director General Sandip Pradhan, Joint Secretary (Sports Development) L S Singh aro Target Olympic Podium Scheme (TOPS) CEO Rajesh Rajagopalan melikena ase.
Sports ministry para release te koise, “Tuita additional members Dronacharya Awardees nemide Chairperson para invite koribo pari. Etu toh Dronacharya Award nemide nomination manikena”.
Etu sal awards function toh ek moina nahoile tui moina pandemic nemide deri hobo pari hoilebe etu opor te final fesla toh rokhi thakibo.
Add Comment