July 16, 2023: India aro Pakistan laka cricket rivalry tho dunia deh sobse intense takishae. Etu tuita country laka fans matches kan keh bishi serious para lui takishae aro game laka atmosphere kan b hotai electrifying takae. Etu tuijun kitia match kan deh encounter kure taikan laka batters aro bowlers kan mind games kila shuru hojai ekjun ekjun keh harai dibo leh.
Former Pakistan seamer Rana Naved-Ul-Hasan para ekta match recall kuri shae kute India laka Virender Sewag takishae. “Mui ekta incident kubo tuikan keh, etu incident deh Sewag 85 runs deh kile takishae. Mui 2004-05 series laka kotha kuri ase kute mukan jiti shae aro mui player of the tournament b takishae. Etu series deh mukan 2-0 lead deh takishae. Third match of the series deh Sewag dangor mari takishae, tai kan 300 score marishae aro Sewag 85 punchu bo taki shae. Mui etu time deh Inzy bhai keh bowl magi shae aro slow bowl ekta dishae”, tai Nadir Ali podcast deh kuishae. Tai para Inzy bhai keh Sewag keh out kuri dibo kuishae aro tik next ball deh slow bowl mara tho Sewag maribo napari kina out hoi jaishae kuishae. “Etu wicket tho sobse important takishae kuto mukan keh jitibole dishae. Etu fast bowler kan laka tricks ase” tai para aro add kuri shae.
Add Comment