April 22, 2026: Itu upcoming state-level mock exercise nimitey tyaari kuri kena, itu Nagaland Emergency Preparedness Exercise (NEPEx) 8th Edition under tey, ekta virtual capacity building programme toh hoiley conduct kurishey, April 22, 2026 tey, DC laga office, Kohima tey para.
Deputy Commissioner aru Chairman, DDMA Kohima, B. Henok Buchem para itu Police laga Superintendent – Krodi Rhetso aru alag alag department khan para official khan logotey, Police, Medical, Municipal, aru emergency service khan bhi milai kena itu statelevel video conference tey participate kurishey, itu DC officer para, Kohima tey.
Itu mock exercise toh hoiley, April 30 nimitey schedule kuri kena asey, itu toh hoiley ekta 7.7 magnitude earthquake laga simulate kuriboley asey, itu state laga sob jaga tey impact hoa laga. Itu scenario toh hoiley emergency response system khan test kuriboley asey, large scale infrastructure damage, jui jul khan laga aru landslide khan hoa laga.
Itu drill tey critical installation khan laga damage hoa laga bhi thakiboley asey, – fuel aru gas storage facility khan, coordinated fire aru rescue operation khan lagi thaka simulate kuriboley asey. Hospital khan toh hoiley alert tey rakhiboley asey, ekta potential surge manage kuriboley, casualty khan tey, relief camp khan, stage kuria area khan, aru Incident Response System (IRS) mechanism khan toh hoiley activate kuriboley asey.
Add Comment