Kohima, 09 January: Jowah kali first Southern Angami Open Naga Wrestling Championship deh Phesama bosti laga Visevo Zashümo manu toh champion hoise. Etu championship toh Jordan Group of Z Khel, Viswema village, Kohima para organise kora laga ase. Zashümo para 90 kgs othaise aro pora-pori 5.9 feet khara korise. Tai Phesama bosti laga Neithongulie Kuotsu logode final deh haridese. Phesama bosti laga Viphrezo Mejura aro Mima bosti laga Ruokuovituo Lese para be third aro fourth deh jetishe. Championship deh 28 wrestlers thakikena Viswema, Kohima district jaga laga John Government Higher Secondary School Ground jaga deh loise.
Inaugural session time deh special guest NLA Speaker laga PRO, Medo Yhokha para kowah toh, Southern Angami ke toh sundor landscape para ashirwad deya laga ase aro jaija time deh truthfulness, loving aro cordial para thakishe koikena janaishe.
Tai para Southern Angami manu khan logode besi respect aro integrity paise aro etu arobe pabole laga toh aji kali laga generation khan opor deh ase koikena janaishe.
Tai para be jaija din laga aro ami khan laga forefathers para parikena thaga laga mesha kotha khan nakoi thakibole janaishe. Hoilebe ahhibole din time deh phal para kori jabo karni work hard kuribole janaishe. Wrestlers khan logode Yhokha para ahhibole din time deh pari kena jabo karni honest, discipline aro behaviour toh phal para thakibole janaishe. Tai para be gao aro atma ke beya kora nahowah chese khan nakhabole janaishe. Tai para wrestling laga sundor game traditional form toh bonabole janaishe. Climate putli howah ke tai para Southern Angami areas logode challenge kora toh, environment deh morom kuribole aro care kuribole janaishe. Tai para younger generation phal hobo karni flora aro fauna ke toh bachai rakhibo lagi koikena janaishe. Guest of honour Chairman Z Khel, Pukul Kennao para event grace korise aro jeta khan logode tai para awards toh de-dese.
Jeta khan logode cash award toh, Champion- Rs 80,000 Kikrol (Medo) para sponsored dese, second – Rs 60,000 Sato Naleo para sponsor dese, third- Rs 40,000 Metekhrielie Mejura para aro Rs 30,000 Zhavito Rhutso para sponsored dese. Local MLA and Advisor for Youth Resources and Sports, Zale Neikha be championship manishe.
Add Comment