IMPHAL, December 15, 2018: Chingmeirong Mamang Leikai laga manu aro Vishal Mega Mart te kaam kura manu khan sit in protest kurishe building osorte Friday te .Etu bi Thursday morning te grenade explosion huwa karne mega mart laga front te .
Media logote kotha kura time te etu mart te kaam kura ekta manu koishe bishi staff khan dukhia family khan pora ase.Aro etu ekla hi nohoikena yete kotha nokoa aro kaan nohona manu khan bi ase staff te .Etu mart pora tai khan ke kaam di ase .
Sawal uthaishe kun khan pora tai khan ke kaam dibo Vishal bondh kurishe koile toh.Maiki khan pora bi etu blast kura manu khan ke bhabona kuribi koishe employees khan karne aro etu mart bondh kurishe koile toh yete kaam kura manu khan laga kaamai bi bondh hoijabo.
Tai aro koishe etu blast pora kaam kura manu khan uporte bhui anidishe aro etu pora kaam kura laga routine bi biya kuridishe .
Chingmeirong Meira Paibi laga ekta member aro koishe etu phuta pora manu khan osor te thaka ke jhokom hobole thaka ase aro koishe enika chamela toh future te nahobole lageh.
Add Comment