Serbia, 23 October : Under-23 Wrestling World Championship te, India laga Greco-Roman wrestler Vishvajit More 55 kg category te bronze medal jitise, Kazakhstan laga Yerassyl Mmayrbekov ke 5-4 te harai kena, juntu match tai khan ekdam tight ase. Itu jeet te, Vishvajit More India laga medal account khan khuli dise itu edition laga Championship te. Dusra side te, tinita Indian mahila wrestler — Hanny Kumari, Diksha Malik aru Priya Malik — sob loge nijor first round match te hari jaise.
Total 29 jon Indian wrestler Under-23 World Wrestling Championships 2025 te Serbia te compete kuri ase, juntu October 27 tak cholibo. Around 700 jon wrestler duniya laga alag-alag desh pora itu Serbia laga city te compete kuri ase.
Add Comment