USA, 8 October : Grandmaster Viswanathan Anand aru Garry Kasparov dujon laga famous rivalry phir se shuru koribo lagi ase, juntu te dujon ek-ek jon logot 30 saal pichete face koribo. Itu match aji USA laga St. Louis Chess Club te shuru hobo. Dujon legendary grandmaster khan Fischer Random format te 12-game laga match kheli thakibo, juntu te pichla 20th century te thaka rivalriy itu phir se zinda kori dibo.
Anand aru Kasparov laga itu matchup te Indian aru Russian grandmaster dujon 2021 pichete agey bar competitive environment te face koribo. Kintu etiya 30 saal hobo jitu time pora dujon itu level laga dangor match kheli thakise. Pichla dangor match tou 1995 World Chess Championship te hoise, juntu 20-game laga match New York City laga World Trade Center laga 107th floor te khelise.
Itu latest chapter to ‘Clutch Chess: Legends’ event laga ekta hissa ase, juntu American grandmaster Maurice Ashley laga idea te organize kora hoise aru itu event St. Louis Chess Club laga refurbished reopening mark koribo lagi ase. Itu 12-game match to tin din te divide kora hoise — agey din te jitile ekta point, dusra din te jitile duita point, aru tisra din te jitile tinta point dibo. Itu unique format te koi thaka mane etiya kun bhi lead safe nohoi.
Dujon grandmaster khan USD 144,000 laga total prize pool nimite compete koribo. Winner ke 70,000 dollar dibo, aru loser bhi 50,000 dollar pay koribo. Aru baki 24,000 dollar game laga individual winner laga hisab te divide kori jabo.
Kasparov 2004 pora competitive chess pora retire kori loise, kintu exhibition event khan te participate kori ase. Dusra side te Viswanathan Anand semi-retired ase — mane etiya bhi high FIDE rating dhori ase aru official level te compete kori thake. Dujon legend khan bhi nijor chess career logot logot next generation laga chess superstar khan ke train kori ase.
Add Comment