New Delhi, 4 February : Actor aru businessman Vivek Oberoi Delhi High Court te jai kene nijor publicity aru personality rights protect kori dibole request dise. Tai koise ki bohut dangor scale te tai laga naam, chobi aru identity misuse kori ase — fake social media account, bina permission merchandise aru AI-generated content, kiman deepfake image bhi ase.
Etu ghotona ahise etiya ekta trend nisina, jitia bohut celebrity — Aishwarya Rai Bachchan, Abhishek Bachchan, NTR Jr aru onno manu — nijor adhikar bachabole court logot jai ase.
Itu civil suit to Collector Bazar, ZoomMantra, Indiacontent aru onno logot file korise, kiman bhitor te chinakha nai manu ke bhi John Doe defendants buli mention korise. Case to advocates Sana Raees Khan aru Pranay Chitale file korise. Oberoi court pora permanent injunction bisarise, jate tai laga personality aru publicity rights aru violate nakore.
Petition te Vivek Oberoi koise je tar naam, chobi, awaaz, chehera aru tar logot jura special pehchan bina permission commercial profit aru onno kaam nimite use kori ase.
Plea te koi dise ki kunba defendant Instagram nisina social media platform te fake account khuli kene Oberoi nisina bhab kori ase, tai laga naam aru photo use kori. Logot logot, unauthorised merchandise — poster, T-shirt, postcard adi — tai laga naam aru chobi loi kene alag-alag e-commerce site te bikri kori ase.
Bohut important kotha etu ki, suit te AI-generated content logot jura kotha bhi uthaise, jiman content te Vivek Oberoi ke bhul bhabhe, beizzot aru ghin laga dhorone dekhai ase. Petition te itu bhi koi dise ki deepfake technology use kori kene tai laga mukh objectionable aru distasteful image logot jura kori ase.
Itu sob dekhi kene, Oberoi court pora ekta omnibus “John Doe” injunction bisarise, kute future te kunuba unknown manu itu dhoroner kaam nakore.
Actor koise ki itu karone tai laga goodwill, reputation aru business interest already damage hoise aru aage bhi hobo pare. Tai court ke request dise urgent order dibole. Relief bhitor te ase — unauthorised postcard, poster, video aru social media post delete kora, aru bhabishyote tar identity kunu bhabhe misuse nakoribole rok laga.
Etu logote, Vivek Oberoi etiya bohut dangor project nimite tayari kori ase. Tai Sandeep Reddy Vanga laga film Spirit te Prabhas aru Triptii Dimri logot kaam koribo. Tai Nitesh Tiwari laga Ramayana film te bhi ase, juntu te Ranbir Kapoor co-star ase. Aru ekta dangor comeback hisabote, report koi ase ki Vivek Oberoi Rishab Shetty laga historical epic The Pride of Bharat: Chhatrapati Shivaji Maharaj te bhi join korise
Add Comment