March 26, 2024: Monday din deh Russian president Vladimir Putin para Moscow terror attack tho “radical Islamist” para kuri shae kui shae. Hoile b ISIS laka nam kwa nai. ISIS tho terror group ase kuto Moscow laka terror attack karne responsibility lui shae. Telegram deh Putin laka nation keh ekta address di shae. Tateh, Russian leader para Ukraine kan attack deh role kili shae pareh kui nah suggest kuri shae. “Taikan laka nijor population keh Kyiv regime karne sob hari nah nai kui nah dika bole”.
Friday rati deh chartha manu para Crocus City Hall deh joborjost gusi shae aro 139 manu keh murai di shae aro 182 jun keh jokom kuri di shae. Etu hamla tho concert taka time deh hui shae. Russian authorities kan para Tajik origin laka chartha manu keh arrest kuri shae aro terrorism laka charges dali shae taikan laka against.
“Mukan sob jama, etu hamla tho radical Islamist laka hath para hui shae kui nah,” tai para kui shae. Tai para attacker kan tho Ukraine deh pola time eh duri shae kui shae. “Question tho uthe etu deh, kun etu hamla deh laph pai ase?” Puti para kui shae.
Add Comment