December 03, 2023 : Itu Hornbill Festival 2023 laga part thaki kena, itu Department of Information & Public Relations para toh hoiley ekta Vlog contest organise kuri asey, itu theme ‘Feathers of Hornbill Festival’ laga theme opor tey. Interested thaka participants thaka khan toh hoiley ek minute laga vlog banaboley paribo aru digital format (landscape) tey submit kuriboley dishey, tai khan laga naam aru contact number logotey itu diprvlog@gmail.com tey google drive tey, 8th December 2023 tak tey. Itu winners laga results toh hoiley 9th December 2023 tey declare kuribo koi asey.
Participants khan toh hoiley manu khan, music khan, khawa saman, fasion khan, festival khan, tradition khan, aru culture khan laga capture kuriboley paribo koishey.
Itu contest laga entry fee toh hoiley sob manu khan nimitey free asey koishey. Kiba aru bhi query thakiley, manu khan toh 9856197313, 7005379296 tey contact kuriboley parey, itu office thaka laga homoi tey.
Add Comment