New Delhi, November 8 – Ekta dangor incident Bihar Assembly election te jate Voter Verifiable Paper Audit Trail (VVPAT) slip paishe road side te Samastipur district, Sarairanjan constituency te. Etu incident karone manu bishi tension loi ase, kintu Election Commission of India (ECI) kuli dishe ki etu slip hoilebi mock poll laga time te use kora slip ase, nohoile real vote laga slip nohoi.
Report hisap te, local manu find kori dishe VVPAT slip sob road side te fekha thaka, aru turunt authorities ke janai dishe. Election Commission turunt inquiry shuru kori dishe aru Assistant Returning Officer (ARO) ke suspend kori dishe karon tai laga duty te negligence ase. ECI order dishe ekta FIR file koribo tai laga upor te, karon election material thik se maintain na kori thaka karone.
Commission para koishe ki strict rule ase mock poll aru real voting laga slip separate rakhibo aru safe dispose koribo nimite. ECI bhi confirm kori dishe ki real vote aru Electronic Voting Machine (EVM) laga integrity safe aru secure ase, kunbi effect nai.
Officials koishe ki real vote laga slip sob thik se seal kori rakha ase, Election Commission laga guideline hisap te.
Kintu etu incident karone opposition party manu question uthai ase election official laga negligence te aru demand kori ase stricter monitoring laga system. Election Commission assure kori dishe ki turunt step loi ase aru transparency aru fairness Bihar election te safe ase.
Add Comment