SRINAGAR/ DELHI: Sources koishe ke Delhi police laga special team para wanted Jaish-e-Mohammed atankwadi ke geraaftar kurishe. Tai laga naam toh Abdul Majeed Baba ase. Abdul ke Tuesday te Delhi te sawal kuribole nimite anishe.
Deputy Commissioner of Police (Special Cell) Sanjeev Kumar koishe Jaish atankwadi opor te Rs 2 lakh laga eman lagai ken ase. Delhi police laga special team para tai ke downtown Srinagar laga Soura para Saturday te geraaftar kurishe.
Abdul Majeed Baba toh Sopore district laga Magrepora jaga te thaka manu ase. Aro Abdul toh 2007 te Delhi Police aro atankwadi khan majote huwa larai te samil thakishe. Jammu aro Kashmir laga teenta aro Pakistan laga ekta atankwadi toh encounter para polabole parishe.
Niche laga court para Abdul ke case bail dishe Hoile bhi saal 2015 te Delhi High Court para Abdul khilaf te bailable pabole napara warrant lagaishe. Abdul logote pola Ahmed Sajad Lone toh April moina te geraaftar kurishe.
South Western range Delhi police laga Special Cell team para Abdul Majeed Baba ke dhuribole kaam toh kuri thakishe.
Abdul ke Chief Judicial Magistrate Srinagar te loi jaishe aro agay puchtach kuribole nimite Delhi te anibole ase.
Add Comment