International

“War kotom hua time deh Hamas military capabilities nata kibo” Israel

October 11, 2023
October 11, 2023: Israel Defense Force (IDF) laka Spokesperson Lieutenant Col. Jonathan Conrius para Wednesday din  social media platfrom X deh jai shae militant group Hamas keh attack kuri bole. Conricus para Hamas, Israel deh hamla kura tho 1,200 Israelis kan murai di shae kui shae. Tai para aro security forces kan tai kan laka efforts uthai di ase kui shae Hams kan war kotom hua time deh eku military capabilities kan nati ki bole karne.
“Hamas para Israel keh hamla kuri nah itia tho char din hui shae. Death toll itia tho 1,200 ase. Tate bishi wak tho civilians kan ase aro 2,700 lokot deh b upor manu kan jokom kai nah ase. Aro mui papna deh tho etu final number nahu bo neki papi ase,” tai kui shae.
“Ami kan para mukan laka inventory, armoured soldiers, artillery cores kan patai di nah ase. 300000 nishi nah alak alak brigades aro divisions deh patai shae aro taikan Gaza strip laka osor deh mission tho execute kuri bole. Etu kan kura tho, war kotom hua time deh Hamas kan military capabilities nata kibo leh karne kuri ase.” Tai kui shae.