New Delhi, 29 May : Tom Hardy aru crime drama MobLand laga makers majot alleged fallout etia Hollywood te bishi discussion topic hoi ase. Rumours ulai thakise ki actor ke onset behaviour issues karone show pora fire kori dise. Kintu ek fresh report hisab te Tom Hardy ekhono officially show pora remove nohoi ase aru actor aru makers majot discussions cholise differences solve koribole.
Variety report hisab te Tom alag series logot attached ase. Report te mention korishe ki talks underway ase kutey actor ahibole ek solution ulabo pare. Report tu etu bhi koise ki Guy Ritchie, jun executive producer aru director ase series laga, tai reportedly 101 Studios kar producer David Glasser ke “make it work” koribole push kori ase.
Itu homoi, rumours barhi thaka time te Tom laga co-star Helen Mirren publicly support dikhai dise. Oscar-winning actress, kun laga series te Maeve Harrigan role play kore, tai Instagram te Tom kar ek picture share kori emotional message likhise: “Love you now and always.”
Jaa haafta, Hollywood Reporter aru Variety nisina global portals report kori thakise ki Tom ke two seasons pora show pora remove kori dise. Reports hisab te executive producer Jez Butterworth, 101 Studios aru dusra members logot onset issues hoijai actor ke phir anibole plan thakianai.
Puck News report hisab te 48-saal actor consistently late ahise Season 2 production time te, scripts te bishi notes dise, dialogues change korishe aru ensemble cast loi unhappy thakise. Cast te Helen Mirren aru Pierce Brosnan nisina dangor names ase.
Reports te etu bhi claim korishe ki Tom laga alleged behaviour karone Jez Butterworth almost quit koribole hoijaise, aru Paramount reportedly actor ke fire korishe. Hollywood Reporter bhi claim korishe ki Tom kitiaba kitiaba trailer pora ghonta-ghonta nabahari dusra cast members ke wait kori thakise.
Etu first time nohoi ki Tom Hardy set te clashes face kori ase. Agey te, Charlize Theron logot bhi itu laga fallout hoise Mad Max: Fury Road shooting time te. Director George Miller later reveal korishe ki actor ke kitiaba trailer pora “coax out” koribole lagise.
