Pakistan, 16 October : Pakistan laga team director Mickey Arthur, gussa asey tai laga team laga sorom show India laga khilaf Cricket World Cup 2023 match dey Saturday, kunwa ke asturit kuri dishey tai laga comments para press conference dey match piche dey. Arthur laga remark kuntu para kuishey ki India vs Pakistan clash Ahmedabad dey thakia toh ekta BCCI event nishina thakishey ICC agey dey kitia tai para ‘Dil Dil Pakistan’ toh stadium dey bishi hunianai, fans aro kunwa former cricketers khan logot bhaal buhianai. Wasim Akram, khel laga ekta legend, Arthur ke gaalishey, kuishey tai Pakistan laga plans match karoney tai bishi khota kuwo lagey.
“Bhaiya muikhan ke kuwi tui lag plan ki thakishey? Kuldeep Yadav khilaf kinika khikibo lagey? Muikhan itu huniwo mun asey. Itu misa mishi khota nahoina. Tui otu para pachi jawo paribo nishina lagey. Nahoi, tui naparibo, afsos para,” Tai kuishey.
“Tai para dhyaan hatai asey. Bishi manu muun komti huina asey aro tui para taikhan ke emotional panai asey. Mui phabna dey tai ekta professional nishina tai laga ki kaam asey khota kuwo lagey notun raasta dikhawoley podli. Ekta coach huina, tai itu nakuwo lagey.
“Muikhan para taikhan ke tarif kuribi lagey. Muikhan para inika events host kuriley, muikhan bhi utilize kuribo lagey. Muikhan taikhan para seekiwo lagey.”
Add Comment