Water Fountain Inaugurate Kurishey Dimapur Laga Landmark Colony Tey

June 04, 2024 : Traffic Intersection Landmark Colony, Dimapur tey, pani laga fountain inaugurate kurishey, . Nagaland Pollution Board & State Nodal Officer, Clean Air Programme (NCAP) laga IFS Member Secretary – Hukato Chishi para, 4^th June, 2024 tey.

K. Hukato Chishi para state kurishey ki, itu toh hoiley ekta privilege asey, ekta Water Fountain thaka toh Dimapur tey, kotey, itu toh hoiley ekta significant role play kuribo, aru koishey ki, hawa laga quality tey bhal health benefit khan anibo, itu citizen khan nimitey. Point kuri kena koishey ki, Dimapur aru Kohima laga hawa laga quality toh hoiley itu the Central Pollution Control Board aru itu Government of India para set kuria laga standard tey punchanai koishey, Ministry of Environment, Forest aru Climate Change para toh hoiley ekta opportunity provide kurishey, hawa laga quality improve kuriboley nimitey, Dimapur aru Kohima tey. Tai para itu bhi mention kurishey ki, biya hawa laga quality toh hoiley health ke impact kuriboley pari asey, kiley koiley sukha hawa toh hoiley respiratory problem khan kuri diye. Tai para itu public khan aru tatey ghor thaka manu khan ke urge kurishey, itu fountain ke maintain kuriboley aru tai khan ke encourage kurishey, aru bhi public garden khan aru fountain khan khan banaboley, residential area khan tey.

Er. Bendangtola walling, Executive Engineer, PHED Urban Division Dimapur para tai laga Technical Report tey koishey ki, itu fountain toh hoiley Urban Division Public Health Education, Dimapur para construct kurishey, National Clean Air Programme (NCAP) para fund kuri kena, ekta Programme kuntu toh hoiley Ministry of Environment, Forest aru Climate Change para launch kurishey, 2019 tey, hawa laga quality improve kuriboley, itu city, regional aru national level tey. Itu activity laga cost toh hoiley Rs 10 lakh thakishey, 2023 para 2024 tak laga. Tai para koishey, ki, itu water fountain kuntu toh NCAP under tey construct kurishey, itu raasta laga side tey construct kuria laga asol objective toh hoiley, minimize kuriboley aru komti kuriboley, Dust Pollution toh, raasta osor tey bishi ulai thaka para aru itu city toh sundor dikhiboley karney bhi, koishey.