February 21, 2025, 04:30 PM: Watershed Yatra (Campaign) PMKSY-WDC 2.0 shuru kurishey, Land Resources laga Department under tey, itu RD Ministry laga aegis under tey, India laga Government laga, kun khan toh hoiley itya Surumi Village, Zunheboto district tey punchishey, 20th February, 2025 tey.
Itu event laga homoi tey, Consultant, DoLR, RD Ministry GoI, Devendra Singh Dhapola para itu campaign tey address kuria homoi tey itu Yatra laga asol objective khan purpose opor tey highlight kurishey, itu campaign toh hoiley Surumi village laga community hall tey para loishey, kuntu toh hoiley awareness banaboley aru information khan disseminate kuriboley karney, itu moi khan laga environment laga responsibility khan opor tey, future nimitey. Tai para aru bhi add kurishey ki, itu programme toh hoiley poila toh 5th February, 2025 tey inaugurate kurishey, Rural Development & Agriculture aru Farmers Welfare nimitey thaka Minister – Shivraj Singh Chouhan para, Delhi tey, itu sob State khan nimitey, India tey, 60 din nimitey aru ekta 20 din laga Yatra specifically Nagaland nimitey.
Aru bhi, tai para manu khan ke urge kurishey, shikhiboley karney, keneka akas para akas para pani gira ke conserve kuriboley lagey aru koishey ki, JJM aru Watershed khan toh direct para aru indirect para ekjon ekjon para linked asey.
Tai para coffee plantation bhi encourage kurishey, ekta potential livelihood hisap aru cash crop hisap tey, aru itu state ke urge kurishey, ekta Nagaland Coffee Café khuliboley, Delhi tey, promote kuriboley karney aru itu economy boost kuriboley.
Tai para ekta example cite kurishey, Uttarakhand para, kotey ekta manu toh 10 saal tak jail khaboley pari asey ekta gaas hoielbi katishey koiley, thik thak para permission nathakishey koiley aru itu state ke urge kurishey, jui julawa khuri toh ekta hisap para chulaboley koishey.
Pichetey, Additional Director, LRD, Hekato N para tai laga speech deliver kuria homoi tey, koishey, moi khan toh hoiley notun gaas puli khan laga plantation practice kuriboley lagey, gaas khan kati thaka hoa para. Tai para pani laga importance laga kotha kuri kena tai laga kotha khotom kurishey, kotey tai para pani toh komti aru ekta hisap para chulaboley koishey moi khan laga livelihood tey.
Add Comment