Thailand, 3 April : Commonwealth Games medallist weightlifter Bindyrani Devi para IWF World Cup dey mahila laga 55kg event dey bronze medal jitishey tuesday dey.
Ekta non-Olympic weight class dey compete kurina, itu 25-saal para total 196kg (83kg+113kg) uthaishey aro podium dey last spot luishey.
Huilewi, itu toh ekta underwhelming display thakisheh itu Manipuri lifter para, kun Birmingham dey203kg laga total effort logot 2022 dey CWG silver jitishey.
Itu Indian para tai laga six par kosis dey three legal lifts uthawo parishey aro tai laga total toh North Korea laga Kang Hyon Gyong logot whopping 38kg komti thakishey, kun tai laga 234kg (103kg+131kg) kosis karney gold medal jitishey.
Juti tai Olympic qualifying event dey medal-jitia performance dikhaishey, Bindiyarani toh Paris Games karney contention laga bahar dey asey.
Tai 59kg weight class dey uthishey kuntu Paris Olympics dey feature kurey aro itu category dey 2022 world championships dey compete kurishey, aro 25th khotom huishey. Huilewi tai purana 55kg weight division dey wapis jaishey kutey tai jaa saal ekta Asian Championship silver jitishey.
Tai itia 59kg Olympic Qualification Ranking (OQR) dey 29th rank dey asey aro reckoning laga bahar aseg top 10 lifters nishna son weight class dey Paris Games karney qualify kuribo.
Add Comment