Gujarat, 14 May : Asian Senior Weightlifting Championships te, Ajith Narayana ekdom remarkable performance dikhai dise aru men’s 71kg category te clean jerk aru overall duita te bronze medal jiti dise Gandhinagar, Gujarat te aji. Asia laga best weightlifters khan logote compete kori thaka time te, Ajith nijor strength aru composure bhal pora dikhai dise aru total 314 kg lift register kori dise, etute 174 kg clean and jerk effort bhi include ase, India karone podium finish ani dise.
Etu category te gold medal Won Ju Ri jiti dise total 351 kg lift logote, aru silver medal Jian Chen 335 kg aggregate lift logote loi dise.
Ajith etu championships te medal jitibo laga third Indian hoi jaise. Etu agey, Komal Kohar women’s 48kg category te bronze medal jiti India laga medal count open kori dise Monday din. Itu pichete, Gyaneshwari Yadav 53kg category te snatch section te silver medal aru combined 194kg lift logote overall bronze medal bhi jiti dise kali.
