Agencies, 29 May: Friday te Israeli para kabja West Bank te settlement expansion kelaaf protest ola samai Israeli sepai para ekta Palestinian ke goli marishe aro morai deshe. Etu khobor toh health officials para janaishe.
Protest ola toh Beita town osor settlement outpost te olaise.
Hundred opor Palestinians toh hilltop te jama howa thakise. Tai khan besi jun para live rounds, rubber bullets aro tear gas mara sepai te pathor mara thakise aro tires jola thakise.
Palestinian Health Ministry para ekta 26 omar Palestinian manu toh army hamla para morise aro five jun jokhom paise koise.
Israeli military para hamla opor te joldi statement toh deya nai.
Etu protest ola toh Israel aro Islamic militant group Hamas majote 11-din larai kothom howa bechite ase. Larai te 250 opor manu mora te besi phak Palestinians morise.
Larai samai te Gaza militants para 4,000 opor rockets toh Israel te hamla korise aro Israel para hundreds bomb toh Gaza te thaka militants te target korise.
U.N. Right Council fesla larai te investigate koribole opor te Israel para reject korise aro Hamas para welcome korise
Israeli-Palestinian larai te crimes committed kora te international investigation suru koribole U.N. Human Rights Council para Thursday te fesla lowa te Israel para reject korise aro Hamas para welcome korise.
Israel’s Foreign Ministry para desh toh investigation te cooperate nakoribo koise. Etu toh terror organization Hamas para crimes commit kora te sabha koribole laga bhabona para ase koise.
Palestinian militant group nemite ekta spokesman para tai khan laga actions toh “legitimate resistance” koise aro Israel te saja debo nemite joldi steps lobole koise.
U.S doubt investigation suru koribole opor te
Thursday te United States para U.N. Human Rights Council laga fesla Israel aro Palestinians majote larai te crime commit kora opor te janibole international investigation suru koribole laga te doubt howa janaishe.
U.S. mission para Geneva te U.N. te statement deya te, “Aji laga action para progress bonaikena thaka te khatara ase” koise.
U.N. Geneva te Organisation for Islamic Cooperation aro Palestinian delegation para resolution ana aro etu te adopt kora te United State para vote kora nai aro pura din special session te kotha kora nai.
Add Comment