West Bengal: 2 BJP MPs resign korishe

Kolkata: Wednesday din te BJP Lok Sabha MPs Jagannath Sarkar aro Nisith Pramanik para West Bengal assembly te members thaka oper resignation mangkishe. Olop din akhe election beche tai jun ke junikena thaka ase. Sarkar aro Pramanik, tai jun toh Ranaghat aro Cooch Behar laga MPs ase. Tai jun assembly te jaikena Speaker Biman Banerjee logot resignation letters thishe. Pramanik para koishe ke, tai khan MLAs para resign kora toh hoile BJP leadership kotha oper te ase koishe. BJP para aro dosura tui(2) jun Lok Sabha MPs – Union minister Babul Supriyo aro Locket Chatterjee aro Rajya Sabha member Swapan Dasgupta, election te contest korishe hoilebi, tai khan sob harishe. BJP para 77 seats jetishe aro Trinamool Congress para 292 constituencies 213 besi tangor para jetishe. Election toh tuita(2) seats te candidates mora nemite loishe, “2016 saal election te BJP kali tinta(3) seats para othikena itya 77 MLAs hoishe. Government te experience koriboli nemite konuba MPs ke be election te putaishe,” koikena Sarkar para janaishe, hoilebi party khan para state te government bonaboli kamyaab powa nai, tai koishe. Sarkar para koishe ke,  assembly election te MPs khan resign hoishe nahoile jeta para BJP laga komjur eku nai. Pramanik para koishe ke, Lok Sabha aro state assembly te ek paar te members koriboli napare. Etu samai, Pramanik toh assembly election te Dinhata seat te TMC candidate Udayan Guha logot 57 votes para jetishe aro Sarkar toh Santipur para 15,878 votes para jetishe. Dinhata aro Santipur assembly jaga toh Lok Sabha constituencies Pramanik aro Sarkar laga jaga te ase koishe.